Aug 18, 2016

ப்ளீஸ்!

ஒரு வேண்டுகோள்-

பல லட்ச ரூபாய்க்கான நன்கொடையாளர்களின் பெயர்களைக் கண்டுபிடிக்கவே முடியவில்லை. சிரமமாக இருக்கிறது. Bank statementல் சில தொலைபேசி எண்கள் இருக்கின்றன. பெருந்தொகைகளை அனுப்பியவர்களின் எண்களை எடுத்து அழைத்தால் யாராவது பெரியவர்கள்தான் எடுக்கிறார்கள். 

‘அவர் ஆஸ்திரேலியாவில் இருக்காரே’ ‘அமெரிக்காவுலதானே இருக்கான்’ என்கிறார்கள். 

‘அவங்ககிட்ட பேசணும்’ என்று கேட்டால் உடனடியாக ‘என்ன விஷயம்’ என்கிறார்கள். அறக்கட்டளை, நன்கொடை என்றெல்லாம் பேசினால் ஏதோ தில்லாலங்கடி பயல் போலிருக்கிறது என்று நினைத்துத் துண்டித்துவிடுகிறார்கள். ஒருவர் முழுமையாகக் கேட்காமலேயே ‘நாட் இண்ட்ரஸ்டட்’ என்று சொல்லி இணைப்பைத் துண்டித்துவிட்டார். 

இன்னொரு பெரியவரிடம் ‘அவர் நெம்பர் தாங்க சார்..நான் பேசறேன்’ என்று சொன்னால் ‘எனக்கு நெம்பர் தெரியாது’ என்று முகத்தில் அறைவதைப் போலச் சொல்கிறார். ஒரு அம்மையார் சற்றே புரிந்து கொண்டு ‘என்  மக பணம் அனுப்பி இருப்பா’ என்றார். ‘அவங்க நெம்பர் தர்றீங்களா?’ என்று கேட்டதற்கு ‘நீ யாருன்னே தெரியாதுங்கிறேன்..என் பொண்ணு நெம்பர் கேட்குற..விவஸ்தை இல்லையா’ என்கிறார். சங்கடமாக இருக்கிறது.

உண்மையிலேயே என்ன செய்ய வேண்டும் என்று தெரியவில்லை. பாதிப்பேர்களுடைய விவரங்களையாவது பிடிக்க முடியுமா என்று புரியவில்லை. 

Bank statement இல் பல பரிமாற்றங்களில் அனுப்பியவர்களின் பெயர் மட்டும் இருக்கிறது. By cash என்று சில பரிமாற்றங்கள் இருக்கின்றன. இதையெல்லாம் எப்படிக் கண்டுபிடித்துச் சேர்ப்பது?

பணம் அனுப்பியதைவிடவும் முக்கியமான காரியம் இந்த PAN card விவரமும் முகவரியும். 

தயவு செய்து விவரங்களை அனுப்பி வைக்கவும். ஒருவேளை உங்கள் நண்பர்கள் தெரிந்தவர்கள் அனுப்பியிருந்தால் அவர்களிடமும் இந்தச் செய்தியைக் கொண்டு சேர்க்கவும்.

நன்றி.

vaamanikandan@gmail.com