Apr 1, 2015

இதுவரை..

அறக்கட்டளையின் கணக்கு தொடங்கப்பட்ட நவம்பர் 2014 முதல் 31,மார்ச் 2015 வரையிலான வரவு செலவுக் கணக்கு இது. 

இந்த வரவு செலவில் கடைசியாகக் கொடுக்கப்பட்டிருக்கும் பத்தாயிரம் ரூபாயானது நம்பியூர் அரசுப் பள்ளிக்கு விளையாட்டுச் சாமான்கள் வாங்குவதற்காக ஒதுக்கப்பட்ட தொகை. அதைத் தவிர பிற அனைத்து விவரங்களும் முன்னரே சொல்லப்பட்டுவிட்ட விவரங்கள்தான்.

இது வரையிலான விவரங்கள் அனைத்தும் வருமான வரித்துறையிடம் தாக்கல் செய்யப்பட்டுவிட்டது. 

ஏப்ரல் மாதத்திலிருந்து செய்ய வேண்டிய பணிகள் குறித்தான பரிந்துரைகள் அல்லது அறிவுரைகள் இருப்பின் தயவு செய்து தெரியப்படுத்தவும். எல்லாம் சரியாகச் சென்று கொண்டிருக்கின்றன. எதிர் வரும் நாட்களில் சற்று விரிவாகச் செயல்படுத்தலாம். தயங்க வேண்டியதில்லை.

எட்டுத் திக்கிலிருந்தும் உதவுகிறவர்கள் இருக்கிறார்கள். காரியங்களை வேகப்படுத்தினால் போதும். அதற்குத்தான் வழிவகைகள் தேவைப்படுகின்றன.

மனதார வாழ்த்தியும், பார்க்கும் போதெல்லாம் உற்சாகப்படுத்தியும், நிதி வழங்கியும் ஆதரவளிக்கும் அத்தனை பேருக்கும் நன்றி. இது தனிமனித செயல்பாடு இல்லை. இவ்வளவு பேரின் ஆதரவு இல்லையென்றால் இதெல்லாம் சாத்தியமே இல்லை. 

மற்றபடி, இதுவரையிலான பணிகளிலும், கணக்கு விவரங்களிலும் ஏதேனும் சந்தேகங்கள் அல்லது கேள்விகள் இருப்பின் தயங்காமல் மின்னஞ்சல் அனுப்பவும். இதில் யோசிப்பதற்கு எதுவும் இல்லை. ஒருவருக்கு இருக்கும் கேள்வி வேறு சிலருக்கும் இருக்கக் கூடும். அதனால் கேள்விகளையும் சந்தேகங்களையும் அவ்வப்போதே நிவர்த்தி செய்துவிடுவதுதான் நல்லது. செய்துவிடலாம்.

vaamanikandan@gmail.com