Mar 2, 2006

புஷ்ஷை வரவேற்கலாம்.

Image hosting by Photobucket

தமிழ்மணத்தைத் திறந்தாலே புஷ் கருக்கப் படும் வாடை மூக்கைத் துளைக்கிறது. இவ்வளவு கடுமையான எதிர்ப்பு இருக்கும் என யாரும் எதிர்பார்த்திருக்க முடியாது. இங்கு(ஐதராபாத்) போராட்டம் நடத்துவதாகச் சொல்லிக் கொண்டு இன்னொரு இந்தியனின் வாகனத்தைக் கொளுத்துகின்றனர். அமெரிக்க அப்பாவிகளைக் கொன்றதாலேயே பின்லேடன் கதாநாய்கனாகி விட்டான். அவனது புகைப் படத்தைத் தூக்கிக் கொண்டு ஊர்வலம்.

தேர்தல் வருவதனால் அரசியல் கட்சிகளின் ஆதரவும் கிடைத்துவிடுகிறது. பச்சோந்திகளின் கூப்பாடு காதைக் கிழிக்கிறது. இவர்களுக்கு யாராவது தேவை மென்று கொண்டிருக்க. அது யோகா சாமியார் அல்லது புஷ்.

புஷ் ஒன்றும் உத்தமன் கிடையாதுதான். கொள்கைகள் முற்றிலும் எதிர்க்கக் கூடியவையாக இருக்கலாம். அதற்கென வரைமுறை எதுவும் இல்லையா என்று புரியவில்லை. செருப்பில் அடித்தும், கொடியினைக் கொளுத்தியும். ஆர்.எஸ்.எஸ் மதவாத அமைப்பாகத் தெரியும் இவர்களுக்கு 'புனிதப் போர்' நடத்துபவர்கள் மதச் சார்பற்ற திலகங்கள்.

எட்டு சதவீத வளர்ச்சி, 10,500 பங்கு வர்த்தகப் புள்ளிகள், முந்தைய தலைமுறையினர் செருப்பு வாங்கியது போல நாம் கார் வாங்கலாம். எல்லாம் அமெரிக்கவின் தயவில்லாமலா நடந்தது? அப்போது உரக்கக் கத்தியிருக்கலாமே?

அரசாங்கம் அடகு வைக்க முயல்வதை போன்ற தோற்றம் உருவாக்கப் படுகிறது. சரியான பேத்தல். நான் ஆயுதம் தயாரிக்கப் போகிறேன் நீ யுரேனியத்தை அள்ளிக் கொடுக்க வேண்டும் என எப்படி எதிர்பார்க்கிறீர்கள்? சரி அமெரிக்காவுக்கென்ன அக்கறை? அவர்களுக்கும் இருக்கிறது. இந்தியவின் ஆற்றலுக்கு முழுமையாக பெட்ரோலியத்தை சார்ந்திருந்தால் ,உயரக்கூடிய விலை எல்லொரையும்தான் பாதிக்கும்.

சற்று பலம் பொருந்தியவன் நாட்டமைத் தனம் பண்ணுவது ஒன்றும் பெரிய விஷயம் இல்லை. இன்னும் 50 வருடத்தில் இந்தியா கூட நாட்டாமையாகக் கூடும்.

போராட்டம் நடத்த வேண்டுமானால் பல முறைகள் உண்டு. பக்கத்து வீட்டுக்கரனின் கண்ணாடியை உடைத்து நடத்த வேண்டியதில்லை. வேலையைப் பாருங்க அப்பு.......

Mar 1, 2006

CNN IBN் இல் தமிழ் வலைப் பதிவு

இன்று புஷ் வருகை குறித்தான செய்தியில், அவரது வருகைக்கான எதிர்ப்பு குறித்தான செய்தியும் ஒளிபரப்பப் பட்டது. அதில் கம்யூனிஸ்ட்களின் வலைப்பூ பிரதானமாக தென்பட்டாலும், தமிழில் 'இன்று ஈரான்(அல்லது ஈராக்- சரியாக கவனிக்க இயலவில்லை)..." என்ற தலைப்பில் நமது நண்பர் ஒருவர் எழுதிய பதிவும் தென்பட்டது. அவர் யார் என்று தெரியவில்லை. எனினும் வாழ்த்துக்கள். உலகளாவிய கவனம் பெறும் பதிவுகள் குறித்து மகிழ்ச்சி.