Mar 26, 2005

எனக்கென ஒரு இடம்

நல்ல படைப்பாளிகள் நிறையப்பேர் எழுதும்வலைப்பதிவில் எழுத எனக்கு தகுதி இருக்கிறதா என தெரியாமல் தான் வலைப்பதிவினை உருவாக்கிவிட்டு இவ்வளவு நாள் எதுவும் எழுதாமல் இருந்தேன்.ஆனால் விமர்சனம் எழுதுவதை கூட தாங்கி கொள்ளும் மனப்பக்குவம் இல்லாதவர்கள் இங்கு உலவுவது சமீமபாக உணர்ந்தேன்.குறைந்தபட்சம் என் விமர்சனங்களை முன்வைக்கவாவது இந்த வலைப்பதிவு எனக்கு உதவக்கூடும்.

ஆனால் என்னைக்குறித்த எந்த விமர்சனம் எனினும் பதில் சொல்வேன்.எந்த பின்னூட்டமும் இதில் நீக்கப்படாது என்பதும் உறுதி.(ஆபாசம் கலந்த பின்னூட்டங்கள் விதிவிலக்கு).

வலைப்பதிவு/இலக்கிய உலகில் எனக்கு தூண்டுகோலாக இருந்த மனுஷ்யபுத்திரன்,தேசிகன் ஆகியோருக்கு நன்றி.

உத்வேகம் ஊட்டக்கூடிய பின்னூட்டங்களை எனக்கு தந்த ரோசவசந்த்,பெயரிலி-க்கும் நன்றி.
இனி பேசுவோம் சந்திரவதனா.

வா.மணிகண்டன்

5 எதிர் சப்தங்கள்:

Narain Rajagopalan said...

வாங்க மணிகண்டன். கண்டிப்பாக பேசலாம் :-)

Anonymous said...

எந்த பின்னூட்டமும் இதில் நீக்கப்படாது என்பதும் உறுதி.(ஆபாசம் கலந்த பின்னூட்டங்கள் விதிவிலக்கு).
///////////////////

வணக்கம் மணிகண்டன்,

நீங்கள் பின்னூட்டம் நீக்கப்படுவது குறித்து பேசிய படியால் எழுதுகிறேன். ஏன் என்றால் அது என் குடிலிலேயே இடம் பெற்றது. உங்கள் பின்னுட்டங்களை நான் முதல் நாள் நீக்கவில்லை வரவேற்றேன். ஆனால் நீங்கள் அடுத்த நாள் எழுதிய ஆபாச வார்த்தை உங்கள் மேல் இருந்த மதிப்பை இல்லாமல் செய்துவிட்டது. அதனை வாசித்த சிலர் தான் எனக்கே மின்னஞ்சல் அனுப்பி என்ன இப்படி ஆபாசவார்த்தை எழுதும் பின்னூடங்களையும் உங்கள் குடிலில் அனுமதிக்கிறீர்களா எனக்கேட்டார்கள்.. அந்த ஒரு ஆபாச சொல் எழுதி என் குடிலில் உங்கள் மரியாதையைக் கெடுத்துக் கொண்டது நீங்கள்.அதன் பின்னும் உங்கள் பின்னூட்டங்களை அங்கே நான் பிரதி பலிக்கவிட்டால் நான் என் வாசகர்களை இழக்க நேரிடும். எனக்கு என் வாசகர்கள் முக்கியம் அவர்கள் விருப்பு வெறுப்பு முக்கியம். உங்கள் கருத்துக்கள் மீதும் இருந்தது ஆனால் இப்போது இல்லை. சாதாரண் விடையங்களுக்கு எல்லாம் ஆபாசவார்த்தை பாவித்து தான் பின்னூட்டம் எழுதணும் என்றால்.அப்படி தான் எழுதுகிறீர்கள் என்றால் உங்கள் வலைப்பதிவில் எழுதுங்கள். அல்லது இனிமேலாவது அப்படி எழுதுவதை தவிர்த்துக் கொள்ளுங்கள். விமர்சனங்களை கூறும் போது தெளிவாக நயமாகக் கூறுங்கள் உங்கள் கருத்துக்களை எழுத்தாளர்கள் ஏற்றுக்கொள்வார்கள். அதைவிடுத்து எனக்குதான் எல்லாம் தெரியும் என்று வெட்டினேன் வீழ்த்தினேன் என்று உங்கள் விமர்சனம் இருந்தால் எந்த எழுத்தாளனோ எவனோ ஏற்றுக்கொள்ளமாட்டான். ஆக்க பூர்வமான விமர்சனக்களை அனைவரையும் கவரத்தக்க வண்ணம் வையுங்கள். உங்கள் கருத்தையும் ஏற்றுக்கொள்வார்கள் .

நன்றி

கவிதன்

சுட்டிப் பையன் said...

பயப்படாமல் எழுது. யாரும் படிக்காவிட்டாலும் பரவாயில்லை. நான் படிக்கிறேன். பதிலுக்கு என் வலைப்பதிவுக்கு ஒரு லிங்க் கொடு போதும்.

Unknown said...

//பதிலுக்கு என் வலைப்பதிவுக்கு ஒரு லிங்க் கொடு போதும்.//
அது சரி சுட்டிப் பையா.. மணிகண்டனுக்கும் தமிழ்மணத்திலே "ஆப்பு" வெக்கிற மாதிரி தெரியுது!

Vaa.Manikandan said...

கவிதன்,
நான் எந்த ஆபாச சொல்லயும் பயன்படுத்தவில்லை.இயன்றால் எந்த பின்னூட்டத்தில் எந்த சொல் என்பதனை தெரியபடுத்த இயலுமா?
இவ்வளவு நாட்களாக வலைப்பதிவில் எழுதிவரும் நான் இப்போதுதான் இந்த மாதிரியான கண்டனத்தைப்பெறுகிறேன்.
நரைன்,சுட்டிபயன்,மாயவரத்தானுக்கு நன்றி.